爽身粉牛一

明日(鬼佬五月二十六日)有人生日！ 在此祝她年年有今日，歲歲有金蕉，這位兩個阿仔的阿媽，搞咗了兩件化骨龍出嚟之後就唔似以前咁大癲大廢了，雖然若有所失不過其實都係若有所得(都唔知響度噏乜？)，畢竟人生每個階段都要改變下，進步一下。

下个星期就係爽身粉夫婦第二次參加我们"雞公組一年一度旅行計劃"的日子，雖然澳洲去不成搞到爽身粉沒機會響Passport度打印，有D唔爽(又話係"爽"身粉?)，幸好枕邊人答應用她幼兒院的印花幫她Passport打印，只是不知粉姑要星星印還是係牛頭印、狗仔印？或者七彩貼紙都有架！(印咗後本Passport唔知重用得冇？)

最後仲要祝爽身粉"產後急速瘦身回復身型旅行影相靓靓計劃"大成功！