廣告人，哼！哼！哼！

廣告界小醜有；

影视部女石堅 - 馬來女人嫁了個"鬼佬"廣告導演，又攪歌劇又攪文化活動，與大馬電視臺關係非淺，仲上埋電視臺做主持。表臉仁慈，心胸峽窄，攻於心計，給少少錢用到你盡仲要踩你兩腳那種上司。

美工部二五仔 - 其貌不揚自以為是，行路肚行先，鼻孔向天，小小美工部完稿員卻當正自己是美工部副經理，經常指指點點聲大夾唔準，又會打小報告，最可笑是常揚言要改變上司、老闆的思想，聽從他的意愿。

客務部【竹升】* - 筷子都唔識揸，成日自以為好叻，別人犯小錯就響度大大聲笑，自己犯錯出醜就響度發難渣，長相如何？見佢前面你會想響佢後面扑濕佢嗰種。

創作部貴婦狗 - 經常擺出一款"我係貴婦的樣子"，穿得花枝招展，面上成寸厚的"灰水"，竹升中的竹升，講起"番話"機關槍咁，經常窒到D英文比較弱雞的美術總監口啞啞，最難頂的是四張冇找的她常穿一些廿幾岁妹妹仔才穿的短褲迷妳裙。

創作部笑面虎 - 呢件犀利呀～ 呢件～ 對住你親切咁笑，背後係咁"隔空"插你一嘢！跟住好關心咁走埋嚟問你傷勢如何，難怪做咗幾十年仲可以坚立不倒。

創作部醜老鴨 - 呢件老妖怪麻甩佬，頭頂髮甩晒嘅地中海老坑，五十岁人仲学人包頭巾扮嘻皮仕，最羞家係咁老仲要講大話，同後輩爭攞獎，叫D後輩唔洗出席頒獎禮，自己去領後輩赢嘅獎。

產品部老黃蟲 - 典形嘅有錢後包二奶老坑，仲要個助理幫手講大話，老婆揾人揾到上公司坐。

美工部哈吧狗 - 表面上係美工部經理，其實上係幫外部踩自己友多一脚嘅狗，狗眼看人低，仲改名坐正產品部退休老黃蟲嘅位，天冇眼...

財政部超級食屎狗 - 呢隻狗仲食屎過食屎狗，都唔知點嚟形容，此狗有在"各個部門"樹立仇人嘅深厚功力，見佢前面你會想響佢後面扑濕佢，之後想想下唔太甘心又行返去佢後面扑濕佢多一次嗰種，就係咁！

特別來賓，濺格淫客 - 客戶中的某高級人仕，最難忘嘅係同佢去澳洲辦事的一個晚上，條友係咁吵住要我地帶佢去叫雞，結果帶佢去睇脱衣舞算數。都唔知係咪因為咁，後來失去咗呢個電訊公司嘅大客户。

好喇！舊公司一百八十人內比較值得爆嘅係呢幾件，成個動物園咁，乜動物都有，睇下睇下有時自己都會無意間變成其中一件。

* 【竹升】廣東人稱呼美國出生、只會說英語的華裔子弟為「竹升仔」。(現在凡外國出生都叫這個)。這裡的「竹升」其實是指「竹槓」，竹槓以粗大的竹子做成，中間多節 而不貫通。(就是有兩面都不通的意思)，以此比喻他們不通華語。那，廣東話為何稱「竹槓」為「竹升」呢？這涉及一個有趣的語言現象：避諱與追求「好彩 頭」。廣東話中「槓」與「降」同音，為避「降」之諱，所以反其意而創造出「竹升」一詞。