星期三, 10月 04, 2006

廣告人,哼!

廣告公司內,基本上有這幾個主要部門:行政部(Management),客户部(Account Service),交通部(Traffic),財政部(Finance),創作部(Creative),美工部(Studio),影视部(Audio-Visual),媒體采購部(Media)等等。

行政部(Management) - 講到明,"大晒",冇咩事唔好惹佢地,不然分分鐘俾人炖冬菇。通常由各個部門的第一把交椅組成(美工部肯定冇份),傢私專賣店咁,個個木口木面,表面上氣定神閒,實情波濤洶湧,暗裏鬥得復天翻地覆。

客務部(Account Service) - 創作部與客户之間的傳聲筒,經常傳錯話,男的通常"好狗",女的通常"好妖",分成幾组人,每组有自己的客户,每組有一個頭,個個身光頸靚,職位最高境界可以做到犧牲色相為客户服務的偉大境界,而職位最低境界可以做到同送貨員冇分別,創作部與美工部永遠的敵人。

交通部(Traffic) - 管理工作流通量,兩頭蛇,有時帮創作部講話,有時又和客務部一起打壓創作部與美工部,都幾頭痛的工作,成日俾人追又成日追人的矛盾工作性質,最緊要識分前後左右上下中間冇大冇細超。

創作部(Creative) - 一班馬騮,無法無天,時時扮嘢,個個以为為自己好醒,陏遍天下無敵喬,其實真正有料冇幾人。最唔識做生意的一群人,有機會贏獎冇錢賺嘅Job個個掙住做,冇機會贏獎有錢賺嘅《大平賣、促銷》Job個個却走死冇命咁,深怕做啲《大平賣、促銷》廣告會拉低自己的形像品味。

美工部(Studio) - 一班冇着制服的工廠妹工廠仔,工錢少少做到隻狗咁,捱更抵夜,有時仲慘過做鸡,人多多但最冇牙力的部門,經常俾人"蝦"都要忍氣吞聲的一群。

產品部(Production) - 三两隻小貓部門,廣告出街前的最後一關,經常守都到最後一分鍾,有時仲要去報館印刷廠"守夜",但係一個好多機會濕脚的油水部門,坐正嘅話想過窮日子都幾難。

影视部(Audio-Visual) - 付責電視電影廣告,有時拍烏蠅,有時冇覺好瞓,剪接部的工作超悶,短短幾秒鐘嘅畫面有時要睇幾十次,都幾係嘢。

媒體采購部(Media) - 一班成日对住據數的某利,多數係斯文人,買報紙位的部門,想執笠都幾難的部門,年中都收到唔少報館雜誌社俾嘅着數。

財政部(Finance) - 個個心里有數,密密實實,生人勿近,計數計到呆呆咁嘅樣,講錢傷感情嘅部門,最識計但最唔赚錢嘅部門,收最多秘密嘅部門。

待續...

後記:被
囍媽媽問在下所屬何部門 - 在下曾經屬美工部,後轉創作部,再後轉行政+客務+創作+美工部,人稱打雜部,即將進入色即是空即是色嘅化境,呵呵!成仙...

7 則留言:

匿名 提到...

以前我在美工部,觉得自己想印尼女佣。没有女佣又不行,这些工没有人做得来(或者是要做),但是身份最低又最便宜,不像女佣像什么?
想着嫁人不用做,现在倒成了菲佣Maria。哈哈哈...

咁你又喺边一个部门呢?

匿名 提到...

always mention about team work, team work, & team work... but are they all really working as a team?
i personally don't think so!!!

p/s:
i like your "wet leg" comments!

火鳥 提到...

双喜妈妈:好事喇!菲佣比印尼女佣高級好多,君不见菲佣都是去先進國如香港嘅,印尼女佣只能黎大馬這所謂嘅"發展中"國家。菲佣又可以有星期日休假,又識講英文,咁高級,妳就好喇!


Joe: Team Work係有嘅,幾個部門派幾个人咪係叫Team囉,各自各攪掟自己份内嘅工作咪係叫Work囉。

Princess D 提到...

喂,我也是财政部工作的也,我没有"密密實實,生人勿近,計數計到呆呆咁嘅樣"的!!

匿名 提到...

我虽然不是在广告公司做,但是属于"有時拍烏蠅,有時冇覺好瞓,剪接部的工作超悶,短短幾秒鐘嘅畫面有時要睇幾十次,都幾係嘢。"的部门.

hahaha.

火鳥 提到...

Princess D: 在下的形容只是以舊公司的那十多人作標準,別多心喇!妳咁另,呆呆咁嘅樣當然冇妳份喇!呵呵 ~

Seven: 辛苦了,在下以前最怕就是TVC offline,online,多數要捱夜,係咁等等等,冷氣又鬼死咁凍...

四葉草 提到...

每一个部门都有我份, 只是有份想设计不需要做. 打工嘅想做老板,做老板嘅想打工, 真无奈!最好吾洗做...