朋友，你老啦！

近日聽緊老友記幫我燒的"三字頭"專輯，唔係我想翻，之但係本地真係買唔到，無法啦！"三字頭"呢首歌真係正，道盡了我們三字輩的心聲，好有 Feel，好感觸。無他既，人老咗就自然会想當年，想舊屎㗎啦！

而家用緊 N 记的鳮肋手機，陽就陽春 D，不过勝在夠 Cheap 同夠 Simple，三百幾蚊有找，有彩色又有 speaker phone，算喺咁㗎啦！咁既價無得兼囉~ (冇錢，唯有咁嚟安慰自己囉！) 不过人就喺咁賤㗎啦！不太願意"安份守己"太耐，近排又屎弗痕，想玩番粒有相機又可以"推豬"既电話，再加上枕邊人又吵話佢架电話 D 掣唔靈光，正咯！名正言順可以換機咯！不过睇下睇下，最正都係 N 记果架 N92，之但喺个值位就真係犀非利高，成三千蚊，有冇必要喎... 想用番 N 记因为始终觉得佢好用，又慣咗佢旣中文輸入法，其他牌子真係冇乜信心，M 记 D 機个外型太老土(除咗 V3系列)，聽講又唔好用，S 记領教过，成日 Hang 機，又慢，中文輸入又怪鳮过人，都喺米搅... 想嚟想去... 都喺睇定 D 先，忍忍佢，唔想做白老鼠，睇下"推豬"个勢喺点先，冇乜錢都喺唔好学人做衝烽部隊。